Croeso i dudalen y Prosiect Gafael Llaw i Wirfoddoli! Ariennir y prosiect hwn gan Lywodraeth y DU drwy’r Gronfa Ffyniant Gyffredin (SPF) yn ogystal â Chronfa Cymunedol y Loteri. Mae’r prosiect, sy’n cael ei arwain gan Ganolfan Gwirfoddoli Gwynedd, yn ymroddedig i gefnogi unigolion a grymuso cymunedau drwy gysylltu gwirfoddolwyr angerddol â chyfleoedd i wneud gwahaniaeth ystyrlon.

Prif amcan y cynllun yw darparu cymorth un-i-un i unigolion sydd ag anghenion cymorth ychwanegol, ac a allai elwa o gymorth i wirfoddoli. Mae'r gefnogaeth yn estyniad o'n gwasanaeth broceriaeth presennol, ble mae ein swyddogion ymroddedig yn cefnogi unigolion trwy gydol y broses wirfoddoli: eu paru â lleoliadau addas, rhoi cefnogaeth i lenwi ffurflenni cofrestru, mynychu ymweliadau safle, ac yn bennaf oll rhoi help llaw trwy gydol eu taith gwirfoddoli.

Amcanion Y Prosiect

Nodau y Prosiect Gafael Llaw i Wirfoddoli yw:

• Ysbrydoli unigolion sydd ag anghenion cymorth ychwanegol i wirfoddoli drwy arddangos yr ystod eang o gyfleoedd sydd ar gael.
• Cefnogi sefydliadau lleol drwy eu paru â gwirfoddolwyr ymroddedig.
• Gwella datblygiad personol a phroffesiynol gwirfoddolwyr trwy ddarparu arweiniad, hyfforddiant a mentora.

Ein gweledigaeth yw creu diwylliant gwirfoddoli bywiog sy’n cyfoethogi bywydau ac yn adeiladu cymunedau cryfach, mwy gwydn.

Astudiaethau Achos

Darganfyddwch straeon ysbrydoledig am unigolion a sefydliadau sydd wedi elwa gan y Prosiect Gafael Llaw i Wirfoddoli.

Cymerwch Ran

P'un a ydych yn unigolyn sy'n awyddus i wirfoddoli neu'n asiantaeth sy'n dymuno cyfeirio unigolion at wirfoddolwyr, mae'r Prosiect Gafael Llaw i Wirfoddoli yma i'ch cynorthwyo.

Sut I Gymryd Rhan

Cysylltwch â’n swyddogion am ragor o wybodaeth neu i lenwi ffurflen atgyfeirio:

Jordan.thomas@mantellgwynedd.com

Huw.bebb@mantellgwynedd.com

01286 672 626

Neu cliciwch yma i gwblhau'r ffurflen atgyfeirio