Cyfleoedd Newydd

Os oes gennych ddiddordeb yn y cyfleoedd yma neu unrhyw gyfle arall cysylltwch â Rhianon, Iola, Mirain neu Ann yn y Ganolfan Gwirfoddoli ar:
01286 672626 / 01341 422575
neu llenwch y ffurflen ‘Cofrestru Diddordeb’

RNIB
Mae RNIB yn cynnig cymorth i bobl ddall neu rannol ddall.
Mae'r cyfle yma i helpu cwsmeriaid yn eu cartrefi gyda offer technoleg e.e. cyfrifiaduron,teledu digidol, chwaraewr DVD, ffon symudol ac offer eraill yn y cartref.
Sgiliau cyfathrebu, diddordeb mewn offer trydannol, mwynhau cyfarfod a cyfeillio gyda pobl


Cyd-lynydd Gwirfoddol i'r Gymdeithas Alzheimers
Mae'r Gymdeithas Alzheimers yn gwarchod hawliau pawb sydd yn dioddef o dementia a'r rhai sydd yn gofalu amdanynt. Maent angen Cyd-lynydd giwrfoddoli i drefnu i recriwtio gwirfoddolwyr ac i roi cymorth i wirfoddolwyr hen a newydd



Cymorth gyda gwasanaethau ar y tren
Mae Cwmni Rheilffordd Ucheldir Cymru - sydd yn rhedeg trenau rhwng Caernarfon a Phorthmadog yn chwilio am wirfoddolwyr i helpu gyda'u gwasanaethau. Bydd cyfle i groesawu teithwyr ar y tren, rhoi gwybodaeth leol i'r ymwelwyr, a helpu gyda'r gwasanaeth troli ar y tren. Mae'r trenau yn rhedeg bob dydd rhwng Mawrth a Thachwedd, ac mae'r daith yno ac yn ôl yn cymryd dwy awr a hanner ar hyn o bryd.
Edrychir am unigolion cyfeillgar sydd yn mwynhau cyfarfod pobl. Croesewir siaradwyr Cymraeg.


Gyrrwyr Ceir gwirfoddol
Nod Gwasanaeth Ambiwlans Cymru yw cynyddu y niferoedd o'r ceir sydd ar gael i gludo cleifion (sydd heb fod yn achosion brys) i'w hapwyntiadau meddygol. Mae'r Gwasanaeth yn chwilio am yrrwyr ceir gwirfoddol (i ddefnyddio eu ceir eu hunain) i fynd â'r cleifion o'u cartrefi i wahanol ysbytai a chlinigau. Mae angen i wirfoddolwyr fod yn iach ac yn ffit. Bydd ganddynt geir eu hunain a thrwydded yrru lân. Telir costau teithio yn ol 38c y ffilltir a deithir.

Cynorthwyo gyda gwasanaethau i ymwelwyr
Mae gan yr Ymddiriedolaeth Genedlaethol ganolfan ym Meddgelert, ac maent yn cynnig cyfle i wirfoddolwyr i helpu gyda gofynion rhedeg Craflwyn o ddydd i ddydd .
Mae'r Ymddiriedolaeth Genedlaethol yn diogelu ac yn agor cefn gwlad, rhannau o'r arfordir, tai hanesyddol a gerddi. Mae gwirfoddolwyr angen sgiliau cyfathrebu da, a mwynhau bod yn rhan o dim.


Cyfarch a chroesawu WRVS
Mae'r WRVS yn chwilio am wirfoddolwyr i gyfarch a chroesawu'r cyhoedd fel maent yn dod i mewn i Ysbyty Gwynedd, ac yna eu cynorthwyo i ddod o hyd i'w cyrchfan oddi fewn i'r Ysbyty.
Mae WRVS yn darparu cefnogaeth ymarferol drwy rym gwirfoddoli er mwyn galluogi pobl i gael rhagor allan o fywyd, yn enwedig yr henoed


Prosiect Symudol ar gyfer Ieuenctid
Mae'r Groes Goch Brydeinig yn rhedeg prosiect symudol gyda'r nod o weithio mewn ardaloedd gwledig ac anghysbell ar gyfer pobl ifanc rhwng 13 ac 18 oed. Drwy'r uned symudol, bydd pobl ifanc yn gallu cael mynediad i wybodaeth, cyngor ac addysg gymdeithasol. Mae angen gwirfoddolwyr i helpu gyda rheolaeth dydd i ddydd yr uned symudol, ac i weithio wyneb yn wyneb gyda'r bobl ifanc.
Bydd angen gwirfoddolwyr rhwng 5 a 9pm o ddydd Llun i ddydd Iau, ac yn achlysurol yn ystod gwyliau ysgol. Mae angen trwydded yrru llawn.


Grwp Cyd-weithredol cynnyrch Organic Llanberis
Yn hybu'r gymuned leol i fyw a bwyta yn iach. Mae ganddynt siop o'r enw 'Saffron' ym mhentref Llanberis. Mae'r grwp yma angen person i gadw llyfr cyfrifon sylfaenol - rhoi gwybod o'r angen i dalu anfonebau ac i archebu nwyddau. O gwmpas 2 awr yr wythnos. Byddai peth profiad o helpu gyda cyfrifon busnes bach o fantais ynghyd a profiad o weithio mewn cwmni cyd-wethredol a gyda gwirfoddolwyr. Lleoliad - cartref y gwirfoddolwr ar hyn o bryd.


WRVS gwasanaeth cyfeillio ffôn
Mae'r WRVS yn darparu gwasanaeth ffôn i breswylwyr Gwynedd. Gwasanaeth cyfeillio yw hwn i sgwrsio a cadw mewn cysylltiad. Sgiliau dymunol fyddai bod yn wrandawr da a gyda agwedd gyfeillgar. Oedran 50+

WRVS
Cymorth gyda chynllun 'Cymydog Da'-

Mae'r mudiad WRVS yn cynorthwyo pobl i gynnal eu hannibyniaeth a'u hurddas yn eu cartrefi a'u cymunedau eu hunain, yn enwedig pobl hyn. Mae cynllun newydd - sef "Cynllun Cymydog Da" ar fin dechrau ym Mangor yn Ebrill 2008, ac mae angen gwirfoddolwyr i gynorthwyo gydag amrywiaeth o dasgau megis help gyda siopa, garddio neu gyfeillio cyffredinol.
Bydd angen bod yn wrandawyr da, a chael sgiliau gweithio gyda phobl.


Cymdeithas Gofal Leukaemia
Gwirfoddolwyr GOFAL.

Mae Cymdeithas Gofal Leukaemia angen gwirfoddolwyr i roi cymorth a chefnogaeth emosiynol i gleifion sydd gyda leukaemia, lymphomas neu anhwylderau eraill ar y gwaed, yn arbennig y rhai sydd yn cysylltu â'u llinell gymorth 24 awr. Bydd y gwirfoddolwyr yn glust i wrando, ac yn gymorth i gleifion ar amseroedd anodd. Weithiau rhoddir cefnogaeth dros y ffôn, weithiau wyneb i wyneb yng nghartref y claf neu yn yr Ysbyty. Mae Gwirfoddolwyr GOFAL hefyd yn codi ymwybyddiaeth o'r elusen.
Mae angen i wirfoddolwyr GOFAL fod wedi cael profiad o Gancr gan y bydd ganddynt brofiadau amhrisiadwy i'w rhannu gyda'r rhai sydd angen cefnogaeth. Amser yn hyblyg, ond disgwylir lleiafswm o 4 awr yr wythnos.


Ymgyrch Cancr y Fron
Gwirfoddolwr(aig) Ardal -

A fuasech yn hoffi cynorthwyo Ymgyrch Cancr y Fron (Breast Cancer Campaign) i barhau i ymchwilio am wellhad i gancr y fron? A oes gennych sgiliau ac amser sbar yr hoffech eu rhoi at ddefnydd da? Mae'r mudiad yn chwilio am wirfoddolwyr ar draws Brydain i godi ymwybyddiaeth ac arian yn eu cymunedau lleol.


Cymdeithas Strôc
Cymorth gweinyddol-

Mae swyddfa'r Gymdeithas Strôc yn Bodfan, Ysbyty Eryri angen gwirfoddolwyr i ymgymryd â thasgau gweinyddol cyffredinol gan gynnwys ffeilio, llungopio, derbyn negeseuon ffôn ayb.
Nod y Gymdeithas Strôc yw atal Strôc a lleihau eu heffeithiau drwy ddarparu gwasanaethau, ymgyrchu, addysg ac ymchwil.


Ymddiriedolaeth Gerddi'r Agoriad
Cymorth gyda ymweliadau i erddi.

Mae Ymddiriedolaeth Gerddi'r Agoriad yn trefnu ymweliadau i erddi yng Nghymru a Chanolbarth Lloegr ar gyfer aelodau o'r cyhoedd a fyddai, am wahanol resymau, yn cael mynediad yn anodd. Fel arfer, mae'r ymweliadau am fore neu brynhawn (hanner diwrnod), ac mae angen gwirfoddolwyr i helpu pobl i fwynhau'r ymweliad.
Byddai'r Ymddiriedolaeth yn gofalu am gostau trafnidiaeth a mynediad. Byddai'n fanteisiol i wirfoddolwyr fod â diddordeb mewn gerddi neu hanes garddio, ond mae brwdfrydedd yn angenrheidiol!! Bydd yn ofynnol i wirfoddolwyr gael gwiriad cofnodion troseddol.


Gwirfoddoli gyda Ieuenctid - Camre Cymunedol
Un o amcanion Camre Cymunedol yw i hybu datblygiad personol ieuenctind drwy gymryd rhan mewn gweithgareddau awyr agored a prosiectau datblygu cymunedol
Fe fydd y Gweithwyr Gwirfoddol yn helpu ieuenctid o 16 - 24 oed gyda prosiect cymunedol gynaladwy ac hefyd gyda amryw o weithgareddau awyr agored fydd yn gorffen gyda taith 7 diwrnod. Fe fydd angen gwiriad CRB ac hefyd mae lefel dda o ffitrwydd corfforol yn fanteisiol.


Gofal Leukaemia
Mae Gofal Leukaemia yn elusen genedlaethol sydd yn rhoi gofal a chefnogaeth i bawb sydd wedi cael eu effeithio gan cancr y gwaed.
Mae angen gwirfoddolwyr i
1) godi ymwybyddiaeth drwy ddosbarthu taflenni, posteri ayb i syrgyri doctoriaid, llyfrgelloedd, canolfannau hamdden ayb. Ad-delir costau.
2) Codi arian
3) Rhoi gofal a cefnogaeth i rai sydd wedi eu effeithio a Leukaemia neu unrhyw anwylder gwaed.

Cynorthwydd Cylch Meithrin
Mae Cylch Meithrin Cricieth yn darparu gofal ac addysg cygrwng Cymraeg i blant o 2 1/2 hyd at oed ysgol. Maen't angen help i'r arweinydd a'r cynorthwydd - edrych ar ôl y plant a'u helpu gyda gweithgareddau. Cynhelir y cylch ar fore Llun i Iau o 9 - 11.30 o'r gloch.
Sgiliau dymunol - y gallu i gyfathrebu gyda plant; amynedd; medru siarad Cymraeg, neu'n dysgu Cymraeg, y gallu i weithio mewn tim. Mae'r cyfle yma yn addas i wirfoddolwyr ifanc 16+ oed.


Cymorth Cynllunio Cymru
Mae Cymorth Cynllunio Cymru yn elusen sy'n darparu cyngor a chymorth proffesiynnol ac anibynnol am ddim ar holl agweddau cynllunio gwlad a thref yng Nghymru. Rydym yn enwedig am gefnogi grwpiau cymunedol.

Rydym yn chwilio am wirfoddolwyr a all helpu darparu hyfforddiant a chefnogaeth arall i grwpiau cymunedol. Mae CCC hefyd yn cynhyrchu cyhoeddiadau a deunyddiau dysgu sy'n egluro'r sustem gynllunio i leygwyr. Gallwch wirfoddoli drwy ysgrifennu peth o'r cynnwys neu helpu gyda'r cyfieithu, prawfddarllen neu luniau. Does dim rhaid i chi fod yn gynllunydd ar gyfer y gwaith yma ond bydd sgiliau hwyluso, dysgu a chyfryngu yn ddefnyddiol.

...mwy o wybodaeth? www.gwirfoddolicymru.net

 

 

 

Gwirfoddoli : Cyfleoedd Newydd | Gwirfoddolwyr y Mileniwm | Gwasanaeth i Fudiadau | Cofrestru Diddordeb | Digwyddiadau Biwro | Newyddion