Mantell Gwynedd

Partneriaeth Plant a Phobl Ifanc

Ym mis Hydref 2006, cyhoeddwyd yr adroddiad ymgynghorol ‘Cydweithio’n Well Er Lles Ein Plant a Phobl Ifanc’, sef adroddiad Partneriaeth Fframwaith Plant a Phobl Ifanc Gwynedd ar ganlyniadau’r adolygiad annibynnol o’r strwythur partneriaethau plant a phobl ifanc a gwblhawyd gan gwmni Gwasanaethau Ymgynghorol Owain Wyn. Yr oedd yr adroddiad hwn hefyd yn cynnwys argymhellion ar gyfer cyflwyno trefniadau newydd i hybu ac annog rhagor o gydweithio er mwyn ymateb i ofynion Deddf Plant (2004) a chanllawiau Llywodraeth y Cynulliad.

Yn ystod mis Hydref a Thachwedd 2006, bu cryn ymgynghori ar yr adroddiad hwn. Dosbarthwyd yr adroddiad yn eang a lluniwyd holiadur i gyd-fynd â’r ddogfen er mwyn galluogi pobl i ymateb iddi. Paratowyd datganiad i’r wasg a rhoddwyd cyfweliad ar yr ymgynghoriad i orsaf radio Champion 103. Yn ogystal, cafwyd y cyfle i gyflwyno'r adroddiad yng nghyfarfodydd rhai o brif bartneriaethau strategol y sir a threfnwyd gweithdai penodol hefyd i drafod y ddogfen gyda’r sector gwirfoddol a gyda chynrychiolwyr o’r Bartneriaeth Fframwaith, y Bartneriaeth Plant a’r Bartneriaeth Pobl Ifanc. Daeth y cyfnod ymgynghori i ben ar 17 Tachwedd 2006.

Cyflwynwyd adroddiad ar ganlyniadau’r ymgynghoriad i’r Bartneriaeth Fframwaith ar 08 Rhagfyr 2006 ynghyd ag argymhellion terfynol i’w hystyried a’u mabwysiadu gan y bartneriaeth honno er mwyn sicrhau fod y newidiadau yn cael eu cyflwyno a’u rhoi ar waith yn gynnar iawn yn 2007.

Partneriaeth Strategol Plant a Phobl Ifanc Gwynedd

Yn dilyn yr ymgynghoriad, penderfynwyd diddymu’r Bartneriaeth Fframwaith Plant a Phobl Ifanc, y Bartneriaeth Pobl Ifanc a’r Bartneriaeth Plant a sefydlu Partneriaeth Strategol Plant a Phobl Ifanc, Uwch Grŵp Cynllunio a Datblygu a chyfres o Grwpiau Cynllunio a Datblygu. Cyfarfu’r Bartneriaeth Strategol am y tro cyntaf ar 19 Ionawr 2007. Cyflwynir copi o’r strwythur newydd ynghyd â chyfansoddiadau’r Bartneriaeth Strategol, yr Uwch Grŵp Cynllunio a Datblygu a’r Grŵp Pobl Ifanc yn yr atodiadau.

Mae’r Bartneriaeth Strategol yn gyfrifol am:

Hyrwyddo lles plant a phobl ifanc Gwynedd yn unol â gofynion Deddf Plant (2004) a chanllawiau statudol a gyhoeddir gan Lywodraeth Cynulliad Cymru.
Sicrhau cydweithio rhwng grwpiau, mudiadau, asiantaethau a phartneriaethau ar draws sectorau yng Ngwynedd er mwyn hyrwyddo lles plant a phobl ifanc.
Gydlynu gwasanaethau ar gyfer pob plentyn a pherson ifanc o’r cyfnod cyn-geni hyd at 18 oed, ynghyd â’r rhai sy’n cyfranogi mewn gwasanaethau cymorth ieuenctid (yn ystyr 123 y Ddeddf Dysgu a Sgiliau) neu’n eu derbyn hyd at 25 oed, a phobl ifanc sy’n gadael gofal (hyd at 21 neu 25 oed os ydynt mewn addysg neu o dan hyfforddiant).
Hyrwyddo hawliau plant a phobl ifanc Gwynedd yn unol â Chonfensiwn y Cenhedloedd Unedig ar Hawliau’r Plentyn (1989).
Ddarparu gweledigaeth a gosod blaenoriaethau strategol ar gyfer gwasanaethau i blant a phobl ifanc yng Ngwynedd trwy arwain ar y gwaith o gynllunio, paratoi a chyhoeddi Cynllun Plant a Phobl Ifanc.
Gynllunio, paratoi a chyhoeddi Cynlluniau Gweithredu er mwyn ymateb yn lleol i ofynion y Fframwaith Gwasanaeth Cenedlaethol ar gyfer Plant, Pobl Ifanc a Gwasanaethau Mamolaeth.
Reoli a gweinyddu adnoddau a chyllidebau a glustnodir ar gyfer cynllunio, datblygu a chomisiynu gwasanaethau i blant a phobl ifanc (e.e. Cronfa CYMORTH Llywodraeth Cynulliad Cymru).

Nod y Bartneriaeth Strategol yw ‘cydweithio’n effeithiol i sicrhau fod pob plentyn a pherson ifanc yng Ngwynedd yn cael mynediad at y cyfleoedd gorau mewn bywyd’, a’i amcanion yw:

Sicrhau bod plant a phobl ifanc Gwynedd yn cael y cychwyn gorau mewn bywyd.
Sicrhau bod plant a phobl ifanc Gwynedd yn cael mynediad at amrywiaeth cynhwysfawr o gyfleoedd addysg a dysgu i’w galluogi i gyflawni eu potensial.
Sicrhau bod plant a phobl ifanc Gwynedd yn gallu mwynhau’r iechyd gorau posibl a’u bod yn rhydd o erledigaeth, camdriniaeth ac ecsploetiaeth.
Sicrhau bod plant a phobl ifanc Gwynedd yn derbyn cyfleoedd i gymryd rhan mewn gweithgareddau diwylliannol, chwarae, hamdden a chwaraeon.
Sicrhau bod plant a phobl ifanc Gwynedd yn cael clust i wrando, yn cael eu trin â pharch ac yn cael arddel eu hil a’u hunaniaeth ddiwylliannol.
Sicrhau bod plant a phobl ifanc Gwynedd yn cael cartref diogel a chymuned sy’n cefnogi eu lles corfforol ac emosiynol.
Sicrhau bod plant a phobl ifanc Gwynedd yn rhydd o anfantais oherwydd tlodi ariannol.

Ceir 25 o Aelodau i gyd ar y Bartneriaeth Strategol yn cynrychioli amrediad eang o gyrff sy’n darparu gwasanaethau i blant a phobl ifanc gan gynnwys Cyngor Gwynedd, Bwrdd Iechyd Lleol Gwynedd, Ymddiriedolaeth GIG Gogledd-Orllewin Cymru, Awdurdod Heddlu Gogledd Cymru, Heddlu Gogledd Cymru, Bwrdd Prawf Gogledd Cymru, Tîm Troseddu Ieuenctid Gwynedd ac Ynys Môn, Gwasanaeth Tân ac Achub Gogledd Cymru, Urdd Gobaith Cymru, Mantell Gwynedd a Chyngor Cefn Gwlad Cymru. Ceir cynrychiolaeth hefyd ar y Bartneriaeth Strategol o Ysgolion Cynradd ac Uwchradd y Sir yn ogystal â sefydliadau Addysg Pellach ac Uwch.

O safbwynt cydweithio gyda phartneriaethau strategol eraill, mae’r Bartneriaeth Strategol wedi datblygu ‘Cytundeb Cydweithio’ sydd yn amlygu’r trefniadau ar gyfer cydweithio gyda phartneriaethau eraill (megis Gwynedd ar y Cyd a’r Bartneriaeth Iechyd, Gofal Cymdeithasol a Lles) er mwyn gweithredu ar flaenoriaethau a chynlluniau er hyrwyddo lles plant a phobl ifanc. Fel rhan o’r ‘Cytundeb Cydweithio’ hwn, mae’r Bartneriaeth Strategol wedi adnabod unigolion o blith yr aelodaeth i weithredu fel ‘dolenni cyswllt’ rhwng y bartneriaeth a phartneriaethau strategol eraill er mwyn sicrhau cyfathrebu effeithiol ar faterion sy’n ymwneud â hyrwyddo lles plant a phobl ifanc.

Grwpiau Cynllunio a Datblygu

Yn dilyn yr ymgynghoriad, penderfynwyd sefydlu cyfres o Grwpiau Cynllunio a Datblygu i ganolbwyntio ar feysydd gwaith penodol ar ran y Bartneriaeth Strategol, fel a ganlyn:

Grŵp Cynllunio a Datblygu – Rhiantu, Gofal Plant a Blynyddoedd Cynnar

Mae’r Grŵp Cynllunio a Datblygu yma yn gyfrifol am gynllunio, datblygu a monitro Strategaeth Rhiantu a Chynllun Gofal Plant ar gyfer Gwynedd ynghyd â chymryd trosolwg dros faterion blynyddoedd cynnar a chynlluniau megis Dechrau’n Deg a Genesis.

Grŵp Cynllunio a Datblygu – Pobl Ifanc

Mae’r Grŵp Cynllunio a Datblygu yma yn gyfrifol am gynllunio, datblygu a monitro gwasanaethau cefnogol i bobl ifanc yng Ngwynedd yn unol â rhaglen ‘Ymestyn Hawliau’ Llywodraeth y Cynulliad mewn partneriaeth â phartneriaethau a grwpiau strategol eraill megis Partneriaeth Economaidd Gwynedd (mae’r Bartneriaeth Llwyddo’n Lleol a Grŵp Sgiliau Gwynedd yn rhan o’r bartneriaeth hon bellach), Rhwydwaith Dysgu 14 - 19, y Bartneriaeth Diogelwch Cymunedol a’r Bartneriaeth Iechyd, Gofal Cymdeithasol a Lles.

Grŵp Cynllunio a Datblygu – Cyfranogi a Gwybodaeth

Mae’r Grŵp Cynllunio a Datblygu yma yn gyfrifol am gynllunio, datblygu a monitro Strategaeth Cyfranogi a Strategaeth Wybodaeth ar gyfer plant a phobl ifanc a chymryd trosolwg dros faterion eiriolaeth.

Grŵp Cynllunio a Datblygu – Ymchwil Plant a Phobl Ifanc

Mae’r Grŵp Cynllunio a Datblygu yma yn gyfrifol am gynorthwyo a chefnogi’r Bartneriaeth Strategol i arolygu, cydlynu, comisiynu a chynnal gwaith ymchwil ym maes plant a phobl ifanc.

Grŵp Cynllunio a Datblygu – Fframwaith Gwasanaeth Cenedlaethol

Mae’r Grŵp Cynllunio a Datblygu yma yn gyfrifol am gynllunio, datblygu a monitro Cynlluniau Gweithredu ar gyfer y Fframwaith Gwasanaeth Cenedlaethol ar gyfer Plant, Pobl Ifanc a Gwasanaethau Mamolaeth.

Grŵp Cynllunio a Datblygu – Tlodi Plant

Mae’r Grŵp Cynllunio a Datblygu yma yn gyfrifol am gefnogi ymdrechion y Bartneriaeth Strategol o safbwynt delio gydag a lliniaru achosion ac effeithiau tlodi plant yng Ngwynedd.

Yn ogystal â hyn, penderfynwyd sefydlu Uwch Grŵp Cynllunio a Datblygu i fod yn gyfrifol am:

Goruchwylio a chydgordio gwaith y Grwpiau Cynllunio a Datblygu.
Gynorthwyo’r Bartneriaeth Strategol gyda’r gwaith o baratoi a chyhoeddi’r Cynllun Plant a Phobl Ifanc drwy sicrhau cynllunio effeithiol ar y cyd ar draws yr ystod oedran
Gynghori Bartneriaeth Strategol ar y trefniadau comisiynu, cyfathrebu a rheoli perfformiad sydd angen eu cyflwyno er mwyn rhoi’r Cynllun Plant a Phobl Ifanc ar waith yn effeithiol.
Fonitro’r Cynllun Cymorth a chyflwyno argymhellion i’r Bartneriaeth Strategol ar ddyrannu’r adnoddau yn lleol.
Gydweithio gyda Grwpiau tebyg eraill (megis Grŵp Swyddogion Arweiniol y Bartneriaeth Iechyd, Gofal Cymdeithasol a Lles) er mwyn adnabod cyfleoedd ar gyfer cynllunio a datblygu cynlluniau a rhaglenni ar y cyd a hefyd er mwyn sicrhau fod cynlluniau a rhaglenni ar gyfer plant a phobl ifanc yn cael eu cydgordio’n effeithiol ar draws holl bartneriaethau strategol y sir.

Trefniadau Cefnogi’r Bartneriaeth Strategol a’r Grwpiau Cynllunio a Datblygu

Er mwyn sicrhau fod gwaith y Bartneriaeth Strategol, yr Uwch Grŵp Cynllunio a Datblygu a’r Grwpiau Cynllunio a Datblygu yn cael eu cefnogi’n effeithiol, penderfynwyd y byddai’r Tîm Strategol - Plant a Phobl Ifanc a’r Tîm Gweithredol - Plant a Phobl ifanc yn gyfrifol am gefnogi a chydlynu’r grwpiau canlynol (gyda’r Tîm Gweithredol yn arwain ar y gwaith o ddarparu cefnogaeth weinyddol):

Tîm Strategol Plant a Phobl Ifanc

Partneriaeth Strategol Plant a Phobl Ifanc

Uwch Grŵp Cynllunio a Datblygu

Grŵp Cynllunio a Datblygu – Ymchwil Plant a Phobl Ifanc

Grŵp Cynllunio a Datblygu – Fframwaith Gwasanaeth Cenedlaethol

Grŵp Cynllunio a Datblygu – Tlodi Plant

Tîm Gweithredol Plant a Phobl Ifanc

Grŵp Cynllunio a Datblygu – Rhiantu a Gofal Plant

Grŵp Cynllunio a Datblygu – Cyfranogi a Gwybodaeth

Grŵp Cynllunio a Datblygu – Pobl Ifanc

Lleolir y Tîm Strategol – Plant a Phobl Ifanc o fewn Uned Polisi a Pherfformiad y Gyfadran Datblygu (Cyngor Gwynedd) a’r Tîm Gweithredol – Plant a Phobl Ifanc o fewn Gwasanaeth Dysgu Gydol Oes y Gyfadran Datblygu.

Staff Partneriaethau Plant

Tîm Strategol
Cydlynydd Strategol – Darren Griffiths
darrengriffiths2@gwynedd.gov.uk - 01286 679 788

Swyddog Partneriaeth Strategol Plant a Phobl Ifanc – Eirian Wynne
eirianwynne@gwynedd.gov.uk – 01286 679 788

Tîm Gweithredol
Sioned Owen – Rheolwraig Weithredol
sionedannowen@gwynedd.gov.uk - 01286 679 419

Elin Wyn Hughes – Swyddog Cefnogol
elinwynhughes@gwynedd.gov.uk - 01286 679 653

I’w Benodi – Uwch Swyddog Prosiect

Lucy Stevenson – Swyddog Prosiect
lucystevenson@gwynedd.gov.uk – 01286 679 914

Gwawr Davies – Swyddog Prosiect
gwawrdavies@gwynedd.gov.uk – 01286 679 648

Gareth Jones – Swyddog Monitro Cytundebau
garethjones2@gwynedd.gov.uk – 01286 679 971

Lyndsey Jones – Swyddog Gweinyddol Dechrau’n Deg
lyndseymariejones@gwynedd.gov.uk – 01286 679 690

Ffion Williams – Swyddog Ymchwil a Gwybodaeth
ffionwilliams@gwynedd.gov.uk – 01286 679 690

Dawn Jones – Rheolwraig y Gwasanaeth Gwybodaeth
dawnwynjones@gwynedd.gov.uk – 01286 675 570

Lona Roberts - Swyddog Cefnogol Hyfforddiant a Gofal Plant
lonapierceroberts@gwynedd.gov.uk – 01286 675 570

Gwenan Pritchard – Swyddog Gwybodaeth
gwenaneleripritchard@gwynedd.gov.uk – 01286 675 570

Debbie Lovell – Swyddog Gweinyddol y Gwasanaeth Gwybodaeth
debbielovell@gwynedd.gov.uk – 01286 675 570

Allan Evans – Rheolwr Canolfan Intgredig Plas Pawb
allanevans@gwynedd.gov.uk – 01286 678 824

Aled Williams – Derbynnydd ym Mhlas Pawb
aledwilliams@gwynedd.gov.uk - 01286 678 824

Dogfennau

Dogfen Ddrafft Cynllun Plant a Phobl Ifanc Gwynedd 2008 - 2011– ‘Ein Cynllun Ni, Eich Cynllun Chi’ (12/06/2008) - cliciwch yma
Holiadur Ymgynghori ar y Cynllun Plant a Phobl Ifanc (12/06/2008) - cliciwch yma
Adroddiad Terfynnol Estyn o Ansawdd Gwasanaethau Cymorth Ieuenctid yng Ngwynedd (12/06/08) - cliciwch yma
Amlinelliad o’r newidiadau a’r ychwanegiadau i’r Canllawiau Amddiffyn Plant Cymru Gyfan 2002 (Saesneg yn unig) - cliciwch yma
Protocol Cyfranogi (Bwrdd Lleol Diogelu Plant) - cliciwch yma
Plant mewn tlodi difrifol yng Nghymru: agenda ar gyfer gweithredu - cliciwch yma
Plant A Phobl Ifanc Gwynedd Heddiw (Fersiwn drafft diweddaraf 09-05-07) - cliciwch yma


Maint y testun A : A \| Map o'r wefan \| E-bostiwch ni \| Sôn wrth ffrind \| Marciwch ni