Beth yw Rhaglen Cymunedau’n Gyntaf?

Mae Rhaglen Cymunedau’n Gyntaf yn troi o gwmpas y broses o cefnogi cymunedau i benderfynu eu anghenion eu hunain a chware rhan weithgar i ffurfio dyfodol eu cymuned. Mae yn ymwneud a’i galluogi i ddatblygu yr hyder, yr wybodaeth, sgiliau a phrofiad i weithredu’n annibynol. Nod ac amcanion y rhaglen yw:

• Rhaglen deng mlynedd i wella amodau byw a rhagolygon pobl sy'n byw yng nghymunedau mwyaf difreintiedig Cymru.
• Rhaglen sydd yn ceisio sicrhau fod nawdd a chefnogaeth ar gael gan Lywodraeth Cynulliad Cymru ac asiantaethau eraill sy'n derbyn nawdd cyhoeddus yn cael eu targedu at yr ardaloedd tlotaf.
• Rhaglen sydd yn grymuso pobl leol er mwyn eu galluogi i benderfynu beth sydd ei angen i adfywio'r ardaloedd y maent yn byw a gweithio ynddynt.
• Rhaglen yn ymdrechu i wneud gwahaniaeth pellgyrhaeddol i'n cymunedau difreintiedig.

Pwy sydd yn Gymwys?

Y 100 ward etholiadol fwyaf difreintiedig, yn ôl Mynegrif Amddifadedd Lluosog ar gyfer Cymru (argraffiad 2000). Mae’r rhaglen yn targedu chwe phrif thema

• Gwaith a Busnes
• Addysg a Hyfforddiant
• Amgylchedd
• Iechyd a Lles
• Cymunedau Gweithgar
• Tor Cyfraith a Diogelwch Cymunedau

Cymunedau'n Gyntaf

Ers Medi 2005 mae Mantell Gwynedd wedi bod gyda dau swyddog i weithio yn benodol yn ardaloedd Cymunedau’n Gyntaf. Mae Carys Williams yn gweithio yn ardaloedd Arfon a Dwyfor gyda Mair Morys Huws yn gweithio yn ardal Meirionnydd. Nod ac Amcanion y swyddi yw:

• Cefnogi grwpiau gwirfoddol a chymunedol yn ardaloedd Cymunedau’n Gyntaf
• Cynrychioli’r sector wirfoddol yng nghyfarfodydd y partneriaethau
• Cynnal cyfarfodydd rhwydwaith i’r partneriaethau er mwyn:
  • Cyfnewid ymarferion da
  • Cyfnewid syniadau
  • Creu cysylltiadau
• Cynnal sesiynnau gwybodaeth/hyfforddiant i’r partneriaethau.

Os ydych yn grwp gwirfoddol/cymunedol yn ardaloedd Cymunedau’n Gyntaf gallwch gysylltu ar swyddogion yn y cyfeiriadau isod:

Carys Williams	Mair Morys Huws
Swyddog Cefnogi Cymunedau'n Gyntaf	Swyddog Cefnogi Cymunedau'n Gyntaf
Mantell Gwynedd	Mantell Gwynedd
24-26 Stryd Fawr	Yr Hen Orsaf Heddlu
CAERNARFON	Y Lawnt
LL55 1RH	DOLGELLAU
	LL40 1SB
01286 672626	01341 422575
carys@mantellgwynedd.com	mair@mantellgwynedd.co.uk

Cymunedau'n Gyntaf :
Map o'r wardiau | Rhestr o'r Cydlynwyr | Digwyddiadau Cymunedau | Newyddion